ترجمان دفتر خارجہ زاہد حفیظ نے کہا ہے کہ پاکستان دو مزید کشمیریوں کے ماورائے عدالت قتل کی مذمت کرتا ہے۔

تفصیلات کے مطابق ترجمان دفتر خارجہ زاہد حفیظ نے اپنے ایک بیان میں کہا کہ سری نگر کے نواحی علاقے خانموہ میں بھارتی فوج نے دو کشمیریوں کا ماورائے عدالت قتل کیا ہے۔

انہوں نے کہا کہ بھارتی حکومت نے پبلک سیفٹی ایکٹ اور آرمڈ فورسز اسپیشل پاور ایکٹ جیسے کالے قوانین کے ذریعے فوج کو جعلی چھاپوں اور قتل کے اختیارات دے رکھے ہیں۔

ترجمان دفتر خارجہ زاہد حفیظ نے مزید کہا کہ پاکستان مطالبہ کرتا آیا ہے کہ مقبوضہ کشمیر میں منظم تشدد کی اقوام متحدہ انکوائری کمیشن کے ذریعے تحقیقات کروائی جائے۔