سیکرٹری محکمہ پرائمری اینڈ سکینڈری ہیلتھ کیئر سارہ اسلم نے کہا ہے کہ احتیاطی تدابیر پر عمل کر کے ہی کورونا وباء پر قابو پایا جا سکتا ہے۔

تفصیلات کے مطابق سیکرٹری محکمہ پرائمری اینڈ سکینڈری ہیلتھ کیئر سارہ اسلم نے اپنے ایک بیان میں کورونا وائرس کے بڑھتے ہوئے کیسز کے پیش نظر شہریوں سے  سما جی فاصلے اور ماسک کے استعمال  کو یقینی بنانے کی اپیل کی ہے۔

سارہ اسلم نے کہا کہ مساجد اور امام بارگاہوں میں رمضان کی عبادات کے دوران احتیاطی تدابیر پر عمل کر کے وائرس کو پھیلنے سے روکا جا سکتا ہے۔

انہوں نے کہا کہ سماجی فاصلے کو برقرار رکھا جائے اور شہری مساجد میں ماسک کے استعمال کی پابندی کریں۔

سارہ اسلم نے یہ بھی کہا کہ بزرگ شہری ویکسین ضرور لگوا ئیں اور نماز تراویح و دیگر عبادات گھر میں ادا کرنے کو  ترجیح دیں۔

سارہ اسلم کا کہنا تھا کہ 40 سال سے زائد عمر کے افراد کے لئے رجسٹریشن کا عمل جاری ہے جبکہ  پچاس سال  سے زائد عمر کے افراد شناختی کارڈ دکھا کر کسی بھی سینٹر سے ویکسین لگوا سکتے ہیں۔

سارہ اسلم نے کہا کہ 50 سال سے زائد عمر کے معذور اور نہ چل پھر سکنے والے شہریوں کے لئے  ہوم ویکسینیشن کی سہولت بھی  موجود  ہے۔

سیکرٹری پرائمری اینڈ سیکنڈری ہیلتھ کیئر کا کہنا تھا کہ کورونا وائرس پر قابو پانے کے لئے ہر طرح کے اجتماعات سے گریز کریں۔

سیکرٹری محکمہ پرائمری اینڈ سکینڈری ہیلتھ کیئر سارہ اسلم کا مزید کہنا تھا کہ کورونا وباء  سے متعلقہ معلومات یا شکایات کے لئے  1033 پر رابطہ کریں۔