پی ٹی آئی رہنما جہانگیر ترین کے حمایتی ارکان  نے پنجاب اسمبلی میں الگ نشستوں پر بیٹھنے کا فیصلہ کیا ہے۔

ذرائع کے مطابق ترین گروپ کے صوبائی اسمبلی میں پارلیمانی لیڈر سعید اکبر اور دیگر رہنما کل الگ نشستوں کے لئے اسپیکر سے ملاقات کریں گے۔

ذرائع کا کہنا تھا کہ الگ نشستوں کے حصول کے لئے ترین گروپ سے تعلق رکھنے والے ارکان صوبائی اسمبلی کی مشاورت مکمل کریں۔

ذرائع نے کہا کہ صوبائی وزراء نعمان لنگڑیال اور اجمل چیمہ بھی الگ نشستوں پر بیٹھیں گے۔

رکن صوبائی اسمبلی و پارلیمانی سیکرٹری نذیر چوہان  نے کہا کہ  صوبائی اسمبلی میں ہمارا 30 رکنی گروپ الگ نشستوں پر بیٹھے گا۔

رکن صوبائی اسمبلی و پارلیمانی سیکرٹری نذیر چوہان  نے مزید کہا کہ علیحدہ نشستوں پر بیٹھ کر اپنے ارکان اسمبلی کی حق تلفی کے خلاف آواز بلند کریں گے۔