شہر قائد میں غیر اعلانیہ لوڈشیڈنگ کا سلسلہ جاری ہے۔

تفصیلات کے مطابق گرمی کی شدت میں اضافے کے بعد شہر کے مختلف علاقوں میں بجلی کی لوڈشیڈنگ جاری ہے۔

ذرائع کے مطابق لانڈھی، بلدیہ ، سائٹ ،اورنگی ٹاؤں ،شاہ لطیف ٹاؤن گڈاپ سمیت متعدد علاقوں میں بجلی کی لوڈ شیڈنگ جاری ہےاس کے علاوہ لیاقت آباد، نارتھ کراچی، محمودآباد، برنس روڈ سمیت متعدد علاقوں میں بجلی کی لوڈ شیڈنگ میں  اضافہ ہوا ہے۔

واضح رہے کہ گزشتہ تین روز سے رات گئے بجلی کے بریک ڈائون میں تھوڑی بہت بہتری آئی ہے۔

اس ضمن میں کے الیکٹرک کا کہنا ہے کہ لوڈشیڈنگ سے مستثٰی علاقوں میں لوڈشیڈنگ نہیں کی جارہی ہے۔

کے الیکٹرک نے کہا ہے کہ گرمی کی شدت میں اضافے سے طلب ورسد میں 700 میگاواٹ کا فرق آیا ہے۔