وزیر تعلیم سندھ سعید غنی نے قادر مندوخیل کو جیت پر مبارکباد پیش کی ہے۔

تفصیلات کے مطابق وزیر تعلیم سندھ سعید غنی نے این اے 249 کے انتخابات میں ری پولنگ کے بعد پیپلز پارٹی کے امیدوار قادر خان مندوخیل کی 900 سے زائد ووٹوں سے جیت پر انہیں مبارکباد دیتے ہوئے کہا کہ ہم نے انتخابات کے بعد کے نتائج پر ہی کہہ دیا تھا کہ یہ جیت حق و سچ کی جیت ہے۔

انہوں نے کہا کہ ری پولنگ کا ڈرامہ رچانے والوں کو منہ کی کھانی پڑی ہے۔

وزیر تعلیم سندھ سعید غنی کا مزید کہنا تھا کہ عوام نے پیپلزپارٹی کے امیدوار قادر خان مندوخیل اور پیپلزپارٹی پر جس اعتماد کا اظہار کیا ہے ،اس پر ہم ان کے شکر گزار ہیں۔