وزارت خزانہ نے شرح منافع میں ردو بدل کا نوٹیفکیشن جاری کر دیا ہے۔

تفصیلات کے مطابق قومی بچت اسکیموں پر شرح منافع میں کمی کر دی گئی ہے۔

جاری کردہ نوٹیفکیشن میں ریگولر انکم سرٹیفکیٹ پر منافع 9.36 سے 9.24 فیصد کر دیا گیا جبکہ اسپیشل سیونگزسرٹیفکیٹ پر منافع 8.87 سے 8.75 فیصد ہوگیا ہے۔

نوٹیفکیشن میں کہا کہ 6 ماہ کے شارٹ ٹرم سرٹیفکیٹ پر منافع 7.30 سے 7.20 فیصد ہوگیا جبکہ 3 ماہ کے شارٹ ٹرم سرٹیفکیٹ پر منافع 6.92 سے 7.04 فیصد ہوگیا ہے۔

نوٹیفکیشن کے مطابق ڈیفنس سیونگز سرٹیفکیٹ پر شرح منافع برقرار رہے گا۔

نوٹیفکیشن میں یہ بھی کہا کہ بہبود، شہدا اور پینشنرز سرٹیفکیٹ پر شرح منافع برقرار رہے گا جبکہ سیونگز اکاؤنٹ پر بھی شرح منافع برقرار رہے گا۔

نوٹیفکیشن میں کہا کہ ایک سال کے شارٹ ٹرم سرٹیفکیٹ پر شرح منافع برقرار رہے گا۔

نوٹیفکیشن میں مزید کہا کہ شرح منافع میں تبدیلی کا اطلاق 7 مئی سے ہوگا۔