اسٹیٹ بینک نے کہا ہے کہ حکومت پاکستان نے 1 ارب ڈالر کا کمرشل قرضہ واپس کر دیا ہے۔

تفصیلات کے مطابق اسٹیٹ بینک نے کہا کہ مرکزی بینک کے ذخائر میں 83 کروڑ ڈالر کی نمایاں کمی ہو گئی ہے۔

اسٹیٹ بینک کا کہنا ہے کہ مرکزی بینک کے ذخائر 16.42 سے کم ہو کر 15.59 ارب ڈالر رہ گئے ہیں۔

اسٹیٹ بینک نے یہ بھی کہا کہ کمرشل بینکوں کے ذخائر میں 5 کروڑ ڈالر کا اضافہ ریکارڈ ہوا ہے جبکہ کمرشل بینکوں کے ذخائر بڑھ کر 7.14 ارب ڈالر تک ہوگئے ہیں۔

اسٹیٹ بینک کا مزید کہنا تھا کہ ملکی ذخائر 77 کروڑ 80 لاکھ ڈالر کمی کے بعد 23 ارب ڈالر سے کم ہو گئے ہیں جبکہ ملکی مجموعی زر مبادلہ ذخائر 22 ارب 74 کروڑ ڈالر تک ہوگئے ہیں۔