پی ٹی آئی کے رہنما خرم شیرزمان نے کہا ہے کہ پیپلزپارٹی سندھ کی بدنام ترین جماعت ہے۔

تفصیلات کے مطابق پی ٹی آئی کے رہنما خرم شیرزمان نے بول نیوز کے پروگرام ’’بس بہت ہو گیا‘‘ میں گفتگو کرتے ہوئے کہا کہ الیکشن جیتنے پر بلدیہ کی عوام حیران ہے۔

خرم شیرزمان نے کہا کہ الیکشن کمیشن کو کہا تھا رمضان میں ضمنی الیکشن نہ کرائے۔

خرم شیرزمان نے یہ بھی کہا کہ پیپلزپارٹی 14 سال میں پانی نہ دے سکی ،کچرا نہ اٹھا سکی۔

خرم شیرزمان کا کہنا تھا کہ الیکشن میں ٹرن اوورکم ہونا الیکشن کمیشن کی ناکامی ہے۔

خرم شیرزمان نے کہا کہ فیصل واوڈا نے علاقے میں 35 کروڑ سے زائد کے ترقیاقی کام کرائے ہیں۔

خرم شیرزمان نے پیپلزپارٹی سے سوال کرتے ہوئے کہا کہ  پی پی نے علاقے میں کون سے ترقیاتی کام کرائے ہیں؟

خرم شیرزمان کا کہنا تھا کہ پیپلزپارٹی نے 14 سال میں علاقے میں کوئی کام نہیں کیا ہے۔

خرم شیرزمان کا مزید کہنا تھا کہ ایسا کیا ہوا کہ پیپلزپارٹی الیکشن جیت گئی ہے ،الیکشن پہلے سے طے شدہ تھے ،نتائج تبدیل کیےگئے ہیں۔