کورونا وباء کی موجودہ صورتحال کے پیش نظرعوامی نیشنل پارٹی نے عیدالفطر سادگی سے منانے کا اعلان کردیا ہے۔

تفصیلات کے مطابق مرکزی سینئر نائب صدر امیرحیدرخان ہوتی نے اپنے ایک بیان میں کہا کہ کورونا کے بڑھتے کیسز کے باعث اس بار بھی عیدالفطر سادگی سے منائی جائیگی۔

مرکزی سینئر نائب صدر نے کہا کہ گذشتہ سال کی طرح اس بار بھی تمام عہدیداران اور کارکنان ہجوم میں جانے سے گریز کریں۔

امیر حیدر خان ہوتی نے یہ بھی کہا کہ موجودہ صورتحال میں واحد علاج احتیاط ہی ہیں، تمام عہدیداران و کارکنان احتیاطی تدابیر کے ساتھ عید منائیں اور دوسروں کو بھی آگاہی دیں۔

مرکزی سینئر نائب صدر امیرحیدرخان ہوتی نے مزید کہا کہ عید الفطر اپنوں کے ساتھ گھروں میں منائیں اور محفوظ رہنے کی کوشش کریں۔