کراچی میں عید الفطر قریب آتے ہی شہر میں اسٹریٹ کراٸم کی وارداتوں میں اضافہ ہو گیا ہے۔

تفصیلات کے مطابق گلشن اقبال میں فیملی سے پک اپ جیپ چھینے جانے کا واقعہ ہوا ہے جس میں واردات کی سی سی ٹی وی فوٹیج بول نیوز کو موصول ہو گئی ہے۔

والدین کے ساتھ واردات ہوتا دیکھ کر بیٹا جذباتی ہو کے آگے بڑھا مگر والدہ نے روک لیا جبکہ خاتون اور ان کے شوہر سے مسلح ملزمان اسٹارٹ گاڑی چھین کر فرار ہوگئے۔

محکمہ سندھ پولیس کے اعلیٰ افسران نے بڑھتے ہوئے جراٸم  پر چپ سادھ لی ہے جبکہ شہر بھر میں بڑھتے ہوئے اسٹریٹ کراٸم نے پولیس کی جانب سے جراٸم پر قابو پانے کے لئے کوششوں کے دعوٶں کی قلعی کھول دی ہے۔