وزیر اعلیٰ پنجاب سردار عثمان بزدار نے کہا ہے کہ شہری ترجیحی بنیادوں پر ویکسین لگوائیں اور خود کو محفوظ بنائیں۔

تفصیلات کےمطابق وزیر اعلیٰ پنجاب سردار عثمان بزدار نے اپنے ایک بیان میں کہا کہ اللہ تعالیٰ کے فضل و کرم اور ہماری حکومت کے بروقت اور مؤثر اقدامات سے کورونا کے مثبت کیسوں کی شرح میں کمی ہو رہی ہے۔

انہوں نے یہ بھی کہا کہ مؤثر مینجمنٹ کے ذریعے پنجاب میں کورونا کے کیسوں میں کمی ہوئی ہے۔

عثمان بزدار کا کہنا تھا کہ  مثبت کیسوں کی شرح میں کمی کے حوالے سے عوام کا تعاون بھی ممدومعاون ثابت ہوا ہے۔

وزیر اعلیٰ پنجاب نے کہا کہ کورونا سے بچاؤ کے لئے احتیاطی تدابیر کا تسلسل عمل کے ساتھ جاری رکھنا ہو گا۔

وزیر اعلیٰ پنجاب سردار عثمان بزدار کا مزید کہنا تھا کہ شہری احتیاط کا دامن ہاتھ سے نہ چھوڑیں اور ماسک کا استعمال زندگی کا حصہ بنا لیں۔