معاون خصوصی وزیر اعظم  پاکستان پارلیمانی سربراہ پاکستان تحریک انصاف سردار یار محمد رند نے کہا ہے کہ بلوچستان کی ترقی کے لئے حکومت پاکستان اور چائنہ کے اقدامات قابل تعریف ہیں۔

تفصیلات کے مطابق معاون خصوصی وزیر اعظم پاکستان پارلیمانی سربراہ پاکستان تحریک انصاف سردار یار محمد رند  نے  پاکستان میں تعینات چائنیز سفیر نونگ رونگ سے ملاقات کی ہے۔

ملاقات میں سردار رند نے چائنیز سفیر نونگ رونگ کو گلدستہ پیش کیا ہے اور ان کی خیریت دریافت کی ہے۔

سردار رند نے کہا کہ پاک اور چائنہ کی دوستی کے 70 سال پورے ہونے پر بلوچستان میں بھی تقریبات کا آغاز کیا جائے گا۔

سردار رند نے چائنیز سفیر نونگ رونگ کو کامیاب دورہ بلوچستان پر مبارکباد دی ہے۔

ملاقات میں دونوں رہنماؤں نے دونوں ممالک کے باہمی دلچسپی کے امور پر بھی  تبادلہ خیال کیا ہے۔

نونگ رونگ کا کہنا تھا کہ چائنہ اور پاکستان کی دوستی ہمیشہ قائم و دائم رہے گی اور سی پیک سے خطے میں نیا ترقی کا سفر شروع ہوگا ، جس سے بلوچستان سمیت پورا پاکستان مستفید ہوگا۔

معاون خصوصی وزیر اعظم پاکستان پارلیمانی سربراہ پاکستان تحریک انصاف سردار یار محمد رند نے مزید کہا کہ بلوچستان کی ترقی ، پاکستان کی ترقی ہے۔