معروف بھارتی اداکار رندھیر کپور نے کہا کہ بہتر محسوس کر رہا ہوں اور جلد گھر بھی منتقل ہو جاوں گا۔

غیر ملکی خبر رساں ادارے کے مطابق ادارے سے گفتگو کرتے ہوئے رندھیر کپور نے بتایا کہ انھیں امید ہے کہ جلد ہی انھیں اسپتال سے گھرچلے جائے گے۔

انھوں نے بتایا کہ اسپتال میں علاج کے دوران انھیں آکسیجن کی ضرورت نہیں پڑی، مجھے سانس لینے میں کوئی دشواری نہیں ہوئی، صرف بخار رہا۔

جبکہ اسپتال کے ذرائع نے میڈیا کو بتایا کہ رندھیر کپور کو آئی سی یو میں صرف آبزرویشن کے لیے رکھا گیا تھا، اب وہ بہتر ہیں اور چند دن مزید اسپتال میں رہیں گے۔

دو روز قبل طبیعت ناساز ہونے کی وجہ سے انتہائی نگہداشت وارڈ منتقل ہونے والی بالی ووڈ کے معروف اداکار، ہدایتکار و پروڈیوسر رندھیر کپور کی طبیعت میں بہتری آنے لگی ہے۔

واضح رہے کہ ڈاکٹرز نے اداکار کے تمام ٹیسٹ کے نتائج آنے کے بعد اُنہیں انتہائی نگہداشت وارڈ منتقل کرنے کا فیصلہ کیا تھا۔