بلوچستان میں دہشتگردی کے 2 واقعات میں ایف سی کے 3 اہلکار شہید اور 5 زخمی ہوگئے ہیں۔

پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق بلوچستان میں دہشتگردی کے واقعات کوئٹہ اور ‏تربت کےعلاقوں میں ہوئے۔

آئی ایس پی آر کا کہنا ہے کہ کوئٹہ میں دہشت گردوں نے سیکیورٹی پر مامور ایف سی اہلکاروں ‏کونشانہ بنایا اور فائرنگ کے تبادلے میں 3 اہلکار شہید جبکہ ایک زخمی ہوگیا۔

آئی ایس پی آر کا یہ بھی کہنا ہے کہ دہشتگردی کا دوسرا واقعہ تربت میں پاک ایران بارڈر پر پیش آیا جہاں ‏پٹرولنگ پر مامور اہلکاروں کو نشانہ بنایاگیا، واقعےمیں ایف سی کے 4 اہلکار زخمی ہو گئے۔ ‏

آئی ایس پی آر کا مزید کہنا ہے کہ زخمیوں میں لانس نائیک حسین شاہ،سپاہی فیصل محمود، نعمان الرحمان شامل ہیں۔