وزیر خزانہ شوکت ترین نے کہا ہے کہ عوام کی فلاح و بہبود اور صحت پہلی ترجیح ہے۔

تفصیلات کے مطابق وزیر خزانہ شوکت ترین کی زیر صدارت بیوریج انڈسٹری سے متعلق اجلاس ہوا جس میں وزیر خزانہ کو انڈسٹری کے نمائندوں کی گذشتہ 9 سال کی کارکردگی پر بریفنگ دی گئی۔

اجلاس میں کورونا وباء کے دوران روزگار اور ریونیو بڑھانے میں بیوریج انڈسٹری کے کردار پر بھی روشنی ڈالی گئی۔

 بیوریج انڈسٹری کے نمائندگان نے بجٹ سے متعلق اپنی تجاویز بھی پیش کیں۔

اجلاس کی صدارت کرتے ہوئے وزیر خزانہ شوکت ترین نے کہا کہ صنعتی ترقی، روزگار کی فراہمی اور کاروبار میں وسعت کے اقدامات کی حمائیت کرتے ہیں۔

وزیر خزانہ شوکت ترین نے مزید کہا کہ عوام کی فلاح و بہبود اور صحت پہلی ترجیح ہے، صنعتوں پر کسی بھی نئے ٹیکس یا ریلیف کا جائزہ لینے کے بعد قدم اٹھائیں گے۔