اوگرا کی جانب سے مئی کے لئے ایل این جی کی قیمتوں میں اضافہ کردیا گیا ہے۔

ایل این جی کی قیمتوں میں اضافے کے حوالے سے اوگرا کی جانب سے نوٹیفکیشن بھی جاری کردیا گیا ہے۔

نوٹیفکیشن کے مطابق سوئی نادرن کے سسٹم پر ایل این جی کی قیمت میں 0.49 ڈالر فی ایم ایم بی ٹی یو کا اضافہ ہوا ہے جس کے بعد ایل این جی کی قیمت 10.25 ڈالر فی ایم ایم بی ٹی یو مقرر کردی گئی ہے۔

سوئی سدرن کے لیے ایل این جی کی قیمت میں بھی 0.49 ڈالر فی ایم ایم بی ٹی یو کے اضافے کے بعد ایل این جی کی قیمت 9.96 ڈالر فی ایم ایم بی ٹی یو مقرر کردی گئی ہے۔

خیال رہے کہ اپریل میں سوئی نادرن کے لئے ایل این جی کی قیمت 9.76 ڈالر فی ایم ایم بی ٹی یو  اور سوئی سدرن کے لئے ایل این جی کی قیمت 9.47 ڈالر فی ایم ایم بی ٹی یو مقرر تھی۔