گلوکارہ نیہا ککڑ اور ان کے شوہر گلوکار روہن پریت کے درمیان ہونے والے جھگڑے  کی ویڈیو سوشل میڈیا پر وائرل ہو گئی ہے۔

بھارتی گلوکارہ نیہا ککڑ نے فوٹو اینڈ ویڈیو شیئرنگ ایپ انسٹاگرام پر ایک ویڈیو پوسٹ کی ہے۔

نیہا ککڑ نے ویڈیو پوسٹ کے کیپشن میں اپنے نئے گانے کا ہیش ٹیگ بھی استعمال کیا ہے۔

گلوکارہ کی جانب سے پوسٹ کی جانے والی ویڈیو میں روہن پریت کو نیہا پر ہاتھ اٹھاتے دیکھاجاسکتا ہے جس پر نیہا بھی غصہ میں آکر روہن پریت پر غصہ کرتی ہیں۔

ویڈیو کے اختتام میں نیہا روہن پریت سے ناراض ہوکر کمرے سے باہر بھی چلی جاتی ہیں۔

تاہم ویڈیو میں موجود بیک گراونڈ میوزک اور درج کیپشن سے معلوم ہو رہا ہے کہ دراصل ویڈیو گلوکار جوڑی کے درمیان کسی اصل جھگڑے کے بجائے ان کے نئے گانے’ کھڑ تینو میں دسا ‘کی ہے۔

یا د رہے کہ کھڑ تینو میں دسا پنجابی جملہ ہے جس کے معنی انتظار کرومیں تمہیں دکھاتا ہوں۔