غیر قانونی طور پر بھارت کے زیر تسلط جموں و کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران آج ضلع اسلام آباد میں تین اور کشمیری نوجوانوں کو شہید کر دیا  ہے۔

کشمیر میڈیا سروس کے مطابق فوجیوں نے نوجوانوں کو ضلع کے علاقے ویلو میں تلاشی اور محاصرے کی کارروائی کے دوران شہید کیا ہے جبکہ  آخری اطلاعات ملنے تک علاقے میں فوجی کارروائی جاری تھی۔

یاد رہے کہ مہلک کورونا وائرس میں مبتلا بھارتی فوجی گھر گھر تلاشی کی کارروائیوں کے دوران زبردستی گھروں میں داخل ہو کر کورونا وائرس پھیلا رہے ہیں جبکہ قابض انتظامیہ نے پوری مقبوضہ وادی کا محاصرہ کر رکھا ہے۔