چیئرمین پی پی پی بلاول بھٹو زرداری نے کہا ہے کہ بدین کی عوام نے ہمیشہ پاکستان پیپلزپارٹی کا ساتھ دیا ہے۔

تفصیلات کے مطابق چیئرمین پی پی پی بلاول بھٹو زرداری کا پی ایس 70 بدین کے ضمنی انتخاب میں جیالے امیدوار دادا محمد ہالیپوتو سے ٹیلی فونک رابطہ ہوا۔

اس موقع پر چیئرمین پی پی پی بلاول بھٹو زرداری نے بدین میں کامیاب انتخابی مہم چلانے پر پی پی پی امیدوار دادا محمد ہالیپوتو کو مبارک باد دی۔

چیئرمین پی پی پی بلاول بھٹو زرداری نے بدین کے ضمنی انتخاب میں پی پی پی امیدوار سے گفتگو کرتے ہوئے کہا کہ بدین کی عوام نے ہمیشہ پاکستان پیپلزپارٹی کا ساتھ دیا ہے۔

بلاول بھٹو زرداری نے یہ بھی کہا کہ نیا سلیکٹڈ اور نام کے انقلابی بدین کے ضمنی انتخاب میں ایک پیج پر ہیں۔

چیئرمین پی پی پی بلاول بھٹو زرداری نے مزید کہا کہ بدین کے عوام اپنے ووٹ کی طاقت سے نئے سلیکٹڈ اور نام کی انقلابی قوتوں کو جواب دیں گے۔