وفاقی وزیر داخلہ شیخ رشید احمد نے کہا ہے کہ گیارہ سو قیدیوں کو پاکستانی جیلوں میں شفٹ کریں گے۔

اپنے ایک بیان میں وفاقی وزیر داخلہ شیخ رشید احمد نے سعودی عرب سے قیدیوں کی واپسی کی تفصیلات جاری کردیں۔

وفاقی وزیر داخلہ نے کہا کہ سعودی عرب کے ساتھ معاہدے کے تحت چھوٹے جرائم میں ملوث قیدیوں کو پاکستانی جیلوں میں شفٹ کرنا ہے، گیارہ سو قیدیوں کو پاکستانی جیلوں میں شفٹ کریں گے۔

شیخ رشید احمد نے یہ بھی کہا کہ منشیات میں ملوث بائیس اور قتل میں ملوث آٹھ قیدیوں کو واپس نہیں لایا جارہا-

وفاقی وزیر داخلہ شیخ رشید احمد نے مزید کہا کہ وزیر اعظم سے ایک ارب روپے فنڈ کی درخواست کی ہے، اگر مل جائے تو معمولی جرائم میں دو ہزار پانچ سے قید سینکڑوں قیدیوں  کو رہائی مل سکتی ہے۔