وزیراعلیٰ پنجاب سردار عثمان بزدار نے کہا ہے کہ موجودہ پابندیاں شہریوں کی زندگیوں کے تحفظ کے لئے ہیں۔

تفصیلات کے مطابق وزیراعلیٰ پنجاب سردار عثمان بزدار نے اپنے ایک بیان میں کہا کہ عید کی تعطیلات کے دوران لاک ڈاؤن کا فیصلہ شہریوں کو کورونا سے محفوظ رکھنے کے لئے کیا گیا ہے۔

عثمان بزدار نے کہا کہ اس دوران شہریوں کو احتیاط کا دامن ہاتھ سے نہیں چھوڑنا چاہئیے۔

انہوں نے یہ بھی کہا کہ ایس او پیز پر سختی سے عملدرآمد کے لئے متعلقہ اداروں کو ہدایات جاری کر دی گئی ہے۔

وزیراعلیٰ پنجاب کا کہنا تھا کہ ایس او پیز کی خلاف ورزی پر قانون کے مطابق کارروائی ہو گی۔

عثمان بزدار نے یہ بھی کہا کہ شہریوں نے ایس او پیز پر عمل کیا تو صورتحال بہتر ہو جائے گی۔

وزیراعلیٰ پنجاب نے کہا کہ کورونا ایس او پیز کی خلاف ورزی کسی صورت قبول نہیں ہوگی۔

سردار عثمان بزدارکا کہنا تھا کہ ایس او پیز کی خلاف ورزی پر کورونا کیسز میں نہ صرف اضافہ ہو گا بلکہ عارضی پابندیاں بھی مزید بڑھ سکتی ہیں۔

انہوں نے کہا کہ عوام کو ان حالات میں مزید احتیاط کی ضرورت ہے۔

وزیراعلیٰ پنجاب سردار عثمان بزدار کا مزید کہنا تھا کہ حکومتی گائیڈ لائنز پر عمل کریں اور کورونا سے محفوظ رہیں۔