ابوظبی نے ٹریول گرین لسٹ میں جرمنی اور امریکا سمیت 6 نئے ممالک کو شامل کر لیا ہے۔

تفصیلات کے مطابق ابوظبی کے محکمہ ثقافت و سیاحت کے مطابق جرمنی اور امریکا سمیت ٹریول گرین لسٹ میں چھ نئے ممالک کو شامل کیا گیا ہے، دیگر چار ممالک میں آذربائیجان، کرغزستان، اسپین اور مالڈووا شامل ہیں۔

ابوظبی کے محکمہ ثقافت و سیاحت کا کہنا ہے کہ ٹریول گرین لسٹ کے ممالک سے آنے والے مسافروں کو قرنطینہ نہ کرنے کی سہولت دی گئی ہے۔

محکمہ ثقافت و سیاحت کا یہ بھی کہنا ہے کہ مذکورہ ممالک سے آنے والے مسافروں کو ابوظبی پہنچنے کے بعد قرنطینہ کرنے کی ضرورت نہیں ہے۔

ابوظبی کے محکمہ ثقافت و سیاحت کا مزید کہنا ہے کہ ان ممالک سے آنے والے مسافروں کو ایئر پورٹ پر صرف پی سی آر ٹیسٹ لینے کے لیے کہا جائے گا۔