کیا پاکستان ٹیم کے عالمی شہرت یافتہ اسٹار فاسٹ بولر شاہین شاہ آفریدی نے  سابق آل راؤنڈر شاہد آفریدی کی بیٹی سے منگنی کرلی ہے؟

حال ہی میں سابق آل راؤنڈر شاہد آفریدی نے ایک انٹرویو میں اپنی بیٹی کی  منگنی کی تصدیق کر دی ہے۔

شاہد آفریدی نے انٹرویو میں بتایا کہ عالمی شہرت یافتہ اسٹار فاسٹ بولر شاہین شاہ آفریدی کے اہل خانہ دو سال سے میری فیملی سے رابطے میں تھے اور شاہین شاہ آفریدی کے لیے میری بیٹی کا رشتہ مانگ رہے تھے۔

شاہد آفریدی نے بتایا کہ اب دونوں خاندان ، شاہین شاہ آفریدی اور میری بیٹی کی رضامندی سے یہ رشتہ طے ہو گیا ہے۔

شاہد آفریدی نے یہ  بھی بتایا کہ ابھی ان کی بیٹی نے فی الحال ایف ایس سی امتحانات مکمل کیے ہیں۔

واضح رہے گزشتہ دنوں سماجی رابطے کی ویب سائٹ ٹویٹر پر شاہد آفریدی نے کہا تھا کہ دونوں خاندان رشتے کے حوالے سے رابطے میں ہیں۔