سول ایوی ایشن اتھارٹی نے بین الاقوامی فلائٹس آپریشن پر 80 فیصد کمی برقرار رکھنے کا فیصلہ کیا ہے۔

ترجمان سی اے اے کے مطابق کراچی میں کورونا کیسز کی تیسری لہر کے پیش نظر بین الاقوامی فلائٹس آپریشن میں 80 فیصد کمی 15 جوں تک برقرار رہے گی۔

ترجمان کا کہنا تھا کہ بیرون ملک سے پاکستان ایئرلاینز کو صرف 20 فیصد فلائٹس آپریشن کی اجازت ہوگی۔

سی اے اے کے شعبہ ائیر ٹرانسپورٹ نے نوٹیفیکیشن جاری کر دیا ہے۔

ترجمان سی اے اے نے کہا کہ بیرون ملک سے مسافر لانے والی پروازیں 20 فیصد تک محدود رہیں گی تاہم 30 فیصد اضافی پروازوں کو کارگو لے کر آنے کی اجازت دی گئی ہے۔

ترجمان سی اے اے نے مزید کہا کہ پاکستان سے بیرون ملک مسافر لے جانے والی 50 فیصد پروازوں کے اجازت نامے میں 15 جون تک توسیع کر دی گئی ہے۔