ملک بھر میں لیکوڈ پٹرولیم گیس ( ایل پی جی) کی قیمتوں میں اضافہ کردیا گیا۔

تفصیلات کے مطابق آئل اینڈ گیس ریگولیٹری اتھارٹی (اوگرا) کی منظوری کے بغیر ایل پی جی ڈسٹری بیوٹرز نے گیس کی قیمت بڑھا دی، ایل پی جی کی قیمت میں 20 روپے فی کلو اضافہ کر دیا گیا۔

ایل پی جی کی قیمت 90 سے بڑھ کے 110 روپے کلو ہو گئی ہے جبکہ گھریلو سیلنڈر بھی اب 1062 کی جگہ 1298 روپے میں فروخت ہوگا۔

کمرشل سلنڈر 900روپے مہنگا ہو گیا جس کے بعد کمرشل سیلنڈر کی قیمت 4086 سے بڑھ کر 4994 روپے ہو گئی ہے۔

چیئرمین ایل پی جی ڈیلرز ایسوسی ایشن عرفان کھوکھر نے کہا ہے کہ ایل پی جی کی فی کلو قیمت میں 20 روپے کا اضافہ کردیا گیا ہے، ایل پی جی اضافے کے بعد 110 روپے کلو ہوگئی ہے۔

چیئرمین ایل پی جی ڈیلرز ایسوسی ایشن عرفان کھوکھر نے مزید کہا کہ اضافے کی وجہ زمینی راستے سے ایل پی جی رسد کا کم ہونا ہے، آئندہ چوبیس گھنٹے میں قیمتیں مزید بڑھ جائیں گی۔