معروف بھارتی اداکار عالمی وبا کورونا وائرس کی وجہ سے انتقال کر گئے ہیں۔

غیر ملکی خبر رساں ادارے کے مطابق تیلگو فلموں کے اداکار اور معروف ٹی وی میزبان تھمالا نرسمہا ریڈی کورونا وائرس کی وجہ سے زندگی کی بازی ہار گئے ہیں۔

 45 سالہ اداکار چند روز سے کورونا کے باعث حیدرآباد کے ایک ہسپتال میں داخل تھے جہاں وہ آج جان کی بازی ہار گئے۔

اداکار تھمالا نرسمہا کے انتقال پر متعدد شوبز فملی شخصیات کی جانب سے افسوس کا اظہار کیا جا رہا ہے۔

 گزشتہ دنوں بھارت کی معروف اداکارہ اور بگ باس سے شہرت حاصل کرنے والی نکی تمبولی کا بھائی کورونا وائرس کی وجہ سے انتقال کرگئے تھے۔

 تفصیلات کے مطابق سالہ جتین تمبولی گزشتہ بیس دنوں سے اسپتال میں داخل تھا۔

واضح رہے بھارت کے رئیلیٹی شو 14 کی فاتح و اداکارہ روبینہ دلیک کا بھی کورونا وائرس ٹیسٹ مثبت آیا تھا۔

اداکارہ روبینہ دلیک نے انسٹاگرام پر ایک اہم پیغام جاری کیا تھا جس میں اُنہوں نے مداحوں کو اپنی صحت کے حوالے سے آگاہ کیا۔

بگ باس 14 کی فاتح نے اپنے پیغام میں کہا تھا کہ میں ایک ماہ کے بعد اپنا پلازمہ عطیہ کرسکوں گی کیونکہ بدقسمتی سے میرا کورونا وائرس ٹیسٹ مثبت آگیا ہے۔

اداکارہ روبینہ نے بتایا تھا کہ میں اب اگلے 17 دن تک اپنے گھر میں ہی قرنطینہ میں رہوں گی۔

اُنہوں نے اپیل کرتے ہوئے کہا تھا کہ جن لوگوں نے مجھ سے حالیہ 5 سے 7 دنوں میں ملاقات کی ہے، وہ براہِ کرم! اپنا کورونا وائرس ٹیسٹ لازمی کروائیں۔

روبینہ دلیک کی پوسٹ پر اُن کے مداحوں کی بڑی تعداد اُن کے لیے جلد صحتیابی کے لیے دُعائیہ تبصرے کیے۔

واضح رہے کہ بھارت میں عالمی وبا نے شدت اختیار کی ہوئی ہیں اور دن با دن تیزی سے کورونا کیسز کی تعداد میں اضافہ دیکھنے میں آرہا ہے۔