پاکستان شوبز انڈسٹری کی معروف میزبان اور اداکارہ نادیہ خان نے اپنے شوہر فیصل ممتاز راؤ کے لیے محبت بھرا پیغام جاری کر دیا ہے۔

میزبان اور اداکارہ نادیہ خان نے فوٹو اینڈ ویڈیو شیئرنگ ایپ انسٹاگارم پر ایک ویڈیو شیئر کی ہے جو ان کے اور ان کے شوہر کی عید کی دلکش تصاویر کو ملا کر بنائی گئی ہے۔

نادیہ خان کی جانب سے انسٹاگارم پر شیئر کی جانے والی ویڈیو میں دیکھا جاسکتا ہے کہ اداکارہ نے خوبصورت لباس کے ساتھ جیولری بھی پہنی ہوئی ہے جبکہ ان کے شوہر فیصل ممتاز راؤ نے بھی اہلیہ کے لباس کے رنگ سے ملتے جلتے لباس کا انتخاب کیا ہے۔

پوسٹ کی جانے والی ویڈیو کے کیپشن میں اداکارہ نے لکھا کہ ماشاءاللّہ! میری اور فیصل کی پہلی عید ایک ساتھ بہت اچھی گُزری۔

نادیہ خان نے شوہر سے محبت کا اظہار کرتے ہوئے لکھا کہ فیصل نے مجھے مکمل کیا ہے اداکاری نے مزید کہا کہ فیصل میری زندگی کی محبت ہیں۔

واضح رہے کہ رواں سال کی شروعات میں نادیہ خان ریٹائرڈ پی اے ایف آفیسر اور فائٹر پائلٹ فیصل ممتاز راؤ کے ساتھ رشتۂ ازدواج میں منسلک ہوئی ہیں۔

نادیہ خان کے شوہر پاک فضائیہ میں 18 سال تک خدمات انجام دینے کے بعد 2009 میں ونگ کمانڈر کی حیثیت سے ریٹائر ہوئے اور متحدہ عرب امارات کی فضائیہ میں پہلے انسٹرکٹر پائلٹ اور پھر چیف آف سیفٹی کی حیثیت سے شامل ہوئے۔

 اس سے قبل نادیہ خان شادی کے بندھن میں بندھ چکی ہیں اور اُن کے تین بچے ہیں، اُن کی بڑ ی بیٹی کا نام علیزے، بیٹے کا نام اذان اور سب سے چھوٹے بیٹےکا نام کیان ہے۔