وزیر اعظم عمران خان کے معاون خصوصی برائے سیاسی ابلاغ شہباز گل نے کہا ہے کہ کل شہبازشریف نے ایک بارپھر این آراو مانگا جوکہ نہیں ملنا۔

تفصیلات کے مطابق وزیر اعظم عمران خان کے معاون خصوصی برائے سیاسی ابلاغ شہباز گل نے مریم اورنگزیب کے بیان پر ردعمل دیتے ہوئے کہا کہ معیشت کا بیانیہ پٹنے کے بعد اب درباریوں کو نئے بیانیے کی تلاش ہے۔

انہوں نے کہا کہ ملک کو اندرونی طور پر شکستہ کرنے والے ایسے واقعات کے ذمہ دار ہیں۔

شہبازگل کا کہنا تھا کہ آج ادارے فعال اور اپنے پاؤں پر کھڑے ہو رہے ہیں۔

وزیر اعظم عمران خان کے معاون خصوصی برائے سیاسی ابلاغ شہباز گل نے مزید کہا کہ کرپٹ ٹولہ صوبائیت ،مذہب کارڈ، ملک دشمن بیانیہ اور بلیک میلنگ تک ہر حربہ آزما چکا ہے۔