پاکستان شوبز انڈسٹری کی اداکارہ اور ماڈل غنا علی کی شادی کی تقریبات کا آغاز ہو گیا ہے۔

تفصیلات کے مطابق اداکارہ غنا علی نے فوٹو اینڈ ویڈیو شیئرنگ ایپ انسٹاگرام پر اپنی مہندی کی تقریب کی تصویر پوسٹ کر کے مداحوں کو حیرت میں ڈال دیا ہے۔

اداکارہ غنا علی نے انسٹاگرام پر ایک تصویر پوسٹ کی ہے جس کے کیپشن میں اداکارہ نے لکھا کہ ’الحمداللّٰہ! نئی شروعات۔

غنا علی کی جانب سے پوسٹ کی جانے والی تصویر میں دیکھا جا سکتا ہے کہ اداکارہ کے ہاتھ میں مہندی لگ رہی ہے۔

انسٹاگرام پر شیئر کی گئی تصویر میں اداکارہ غنا علی نے پیلے رنگ کا لباس زیب تن کیا ہوا ہے۔

 جبکہ بالوں میں گیندے کے پھول کا گجرا بھی لگا ہوا ہے۔

اداکارہ کی مہندی کی تصویروں کو اُن کے مداحوں کی جانب سے بہت پسند کیا جا رہا ہے۔

مداحوں کی جانب سے اداکارہ کی زندگی کی اس نئی شروعات پر غنا علی کے لیے نیک خواہشات کا اظہار کیا جا رہا ہے۔

دوسری جانب ابھی تک اداکارہ نے یہ نہیں بتایا ہے کہ اُن کی شادی کس سے ہورہی ہے۔

واضح رہے کہ اداکارہ غنا علی اب تک کے پاکستان کے کئی ڈراموں میں اپنی اداکاری کے جوہر دکھا چکی ہیں اس کے علاوہ ازیں غنا علی پاکستان کی کچھ مشہور فلموں میں بھی کام کرچکی ہیں۔