وفاقی وزیر برائے سائنس و ٹیکنالوجی شبلی فراز سے پنجاب کے وزیر برائے جنگلی حیات و ماہی گیری سید صمصام علی شاہ بخاری نے ملاقات کی۔

ملاقات میں فریقین نے کھارے پانی والی زمینوں پر جھینگوں کی افزائش اور ایکوا ٹیکنالوجی پارک کے قیام کے لئے مشترکہ منصوبے شروع کرنے پر اتفاق کیا۔

[amazonad category=”Auto”]

اس موقع پر وفاقی وزیر برائے سائنس و ٹیکنالوجی شبلی فراز نے پاکستان میں ایکواکلچر کی صنعت کی ترقی کی ضرورت پر زور دیا۔

وفاقی وزیر برائے سائنس و ٹیکنالوجی نے کہا کہ ان منصوبوں میں قومی جی ڈی پی میں کئی ارب ڈالر کا اضافہ کرنے کی صلاحیت ہے۔

شبلی فراز نے یہ بھی کہا کہ ہمسایہ ممالک کو برآمدات سمیت جھینگوں کے ایکواکلچر کی مکمل ویلیو چین تیار کرنے پر توجہ دی جانی چاہیے۔

وفاقی وزیر برائے سائنس و ٹیکنالوجی شبلی فراز نے مزید کہا کہ ان منصوبوں سے مقامی ملازمتیں پیدا ہوں گی اور ملک میں کھارے پانی والی اراضی کومناسب استعمال میں لایا جا سکے گا۔

چیئرمین پی سی ایس آئی آر اور ڈی جی فشریز پنجاب بھی موجود تھے۔