سندھ  کے مختلف ویکسی نیشن سینٹرز میں  ویکسی نیشن کا عمل تیزی جاری ہے۔

تفصیلات کے مطابق کراچی میں وفاق سے فائزر ویکسین کا اسٹاک بھی آگیا ہے جبکہ  کراچی میں فائزر ویکسین صرف  ڈاؤ یونیورسٹی ہسپتال میں لگائی جارہی ہے۔

جناح اور سول اسپتال میں بھی یہ ویکسین پہنچائی جائے گی ، اندرون سندھ میں حیدرآباد لمز، گمبٹ میں گمز اور لاڑکانہ میں چانڈکا میڈیکل کالج میں فائزر ویکسین موجود ہے۔

ذرائع کا کہنا ہے کہ سعودیہ عرب جانے والے افراد کو ویزا دیکھنے کے بعد فائزر لگائی جارہی ہے جبکہ سندھ میں فائزر ویکسین کے صرف 11 ہزار 964 ڈوز موجود ہیں۔

وہیں دوسری جانب سندھ کے تمام سینٹرز پر سائنو ویک اور سائنو فارم موجود ہے جبکہ شہر کے بیشتر سینٹرز پر ایسٹرازینیکا اور کین سائنو موجود نہیں ہے۔

صوبے بھر میں سائنو ویک کے 6 لاکھ 88 ہزار 503 ڈوز موجود ہیں جبکہ  سائنو فارم کے 1 لاکھ 63 ہزار اور 919 ڈوز اور ایسٹرازینیکا کے 24 ہزار 754 ڈوز موجود ہیں۔

واضح رہے کہ فائزر ویکسین صرف کینسر اور جگر سمیت دیگر عارضوں میں مبتلا افراد کو لگائی جارہی ہے۔