سنیل گروور نے کپل شرما کے ساتھ دوبارہ کام کرنے پر اظہار خیال کر دیا ہے۔

غیر ملکی خبر رساں ادارے کے مطابق بھارتی اداکار اور کامیڈین سنیل گروور نے کامیڈین اور کپل شرما شو کے ہوسٹ کپل شرما کے ساتھ دوبارہ کام کرنے کے حوالے سے گفتگو کرتے ہوئے کہا کہ کپل شرما ایک مزاحیہ مزاج کے آدمی ہیں۔

اس سے قبل ’کامیڈی نائٹس ودتھ کپل‘ نامی پروگرام میں اکٹھے کام کی وجہ سے ان دونوں کا نام ہر گھر میں لیا جاتا تھا لیکن چند سال قبل کھلے عام تلخ کلامی اور جھگڑے کی وجہ سے دونوں نے اپنے راستے جدا کر لیے تھے۔

واضح رہے کہ دونوں کے درمیان راہے جدا ہونے کے بعد سے سنیل نے زیادہ تر بالی ووڈ فلموں میں کام کیا اور حال ہی میں سنیل نے کپل کو ان کے بیٹے کی پیدائش پر ٹوئٹ میں مبارکباد دی تھی۔

حالیہ انٹرویو میں سنیل نے کہا کہ اس وقت تو ایسا کوئی منصوبہ نہیں کہ ہم اکھٹے کام کریں لیکن اگر کسی دن کوئی چیز سامنے آتی ہے تو پھر یقیناً ہم پھر اکھٹے کام کریں گے۔