ویوو کا نیا اسمارٹ فون اب پاکستان میں بھی متعارف کروا دیا گیا ہے۔

تفصیلات کے مطابق ویوو کی وی سیریز کو بہترین سیلفی کیمرے کی وجہ سے جانا جاتا ہے۔

واضح رہے کہ ویوو وی سیریز میں ہی پہلی بار 32 میگا پکسل سیلفی کیمرا دیا گیا تھا۔

تاہم ویوو وی سیریز کی جانب سے 32 میگا پکسل سیلفی کیمرا دینے کے بعد سے ہی اب ہر کمپنی کی جانب سے ایسا کیا جارہا ہے۔

گزشتہ ایک ماہ قبل ویوو وی 21 سیریز کے 3 اسمارٹ فونز متعارف کرائے گئے تھے جن میں وی 21، وی 21 فائیو جی اور وی 21 ای شامل ہیں۔

وی 21 موبائل کی خاص بات یہ ہے کہ اس موبائل میں فرنٹ پر 44 میگا پکسل کیمرا دیا گیا ہے جس میں او آئی ایس بھی موجود ہے جو فرنٹ کیمروں میں نہیں ہوتا۔

علاوہ ازیں ایکسٹرا اسموتھ نس کے لیے ای آئی ایس کا فیچر بھی کیمرے کا حصہ ہے۔

جبکہ 3 ایل ای ڈیز بھی فریم میں موجود ہیں جو تاریکی میں تصاویر لینے کو مدد فراہم کرتی ہیں۔

اسی طرح اے آئی نائٹ پورٹریٹ موڈ کے ساتھ آٹوفوکس جیسا فیچر بھی اس کیمرے کا حصہ ہے جو اکثر فلیگ شپ فونز میں بھی نہیں ہوگا۔

اس کے علاوہ فون کے بیک پر 3 کیمروں کا سیٹ اپ موجود ہے۔

اس سیٹ اپ میں مین کیمرا 64 میگا پکسل کا ہے جس میں او آئی ایس سسٹم موجود ہے جس کے ساتھ 8 میگا پکسل الٹرا وائیڈ اور 2 میگا پکسل میکرو کیمرے موجود ہیں۔

کمپنی کے مطابق فرنٹ اور بیک کیمروں کو اسپلٹ اسکرین وی لاگز کے لیے استعمال کیا جاسکتا ہے۔

یہ فون 6.44 انچ کا امولیڈ ڈسپلے 90 ہرٹز ریفریش ریٹ سپورٹ اور ایچ ڈی آر 10 پلس سپورٹ کے ساتھ ہے۔

  فون میں میڈیا ٹیک کا ڈیمینسٹی 800 یو پراسیسر دیا گیا ہے۔

 جبکہ 4000 ایم اے ایچ بیٹری 33 واٹ فاسٹ چارجنگ سپورٹ فراہم کرتی ہے۔

وی 21 میں 8 جی بی ریم اور 128 جی بی اسٹوریج دی گئی ہے۔

ریم  کے حوالے سے کمپنی کا کہنا ہے کہ فونز میں ایسا ریم فیچر دیا گیا ہے جس سے سسٹم ایسے کام کرتا ہے جیسے اس میں 11 جی بی ریم موجود ہے۔

یہ فون پری آرڈر میں 59 ہزار 999 روپے میں دستیاب ہے جبکہ اس کی باقاعدہ فروخت 8 جون سے شروع ہوگی۔