پی ٹی آئی رہنماء حلیم عادل شیخ نے کہا ہے کہ سندھ کی عوام جیالی سرکار کا تخت گرانے کے لئے تیار ہے۔

تفصیلات کے مطابق پی ٹی آئی رہنماء حلیم عادل شیخ نے بلاول بھٹو کے بیان پر رد عمل دیتے ہوئے کہا کہ سندھ کے لوگوں کے لئے صحت کارڈ میں رکاوٹ بلاول زرداری ہیں۔

انہوں نے کہا کہ تعصب کے باعث سندھ کے لوگ صحت اور تعلیم کی سہولیات سے محروم ہیں۔

حلیم عادل نے یہ بھی کہا کہ سندھ حکومت کی اپنی کتابیں دیکھ لیں، اربوں روپے بجٹ لیکن زمین پر خرچ صفر۔

پی ٹی آئی رہنماء کا  کہنا تھا کہ بلاول ہاؤس، سی ایم ہاؤس، راول محل اور انور محل کو سندھ سمجھنے والے پرچی چیئرمین وفاق فوبیا میں مبتلا ہیں۔

انہوں نے کہا کہ وزیر صحت سندھ سے گزارش ہے کہ وہ اپنے جعلی چیئرمین کو کورونا کے بجائے عقل کی ویکسین لگائیں ۔

پی ٹی آئی رہنماء حلیم عادل شیخ نے مزید کہا کہ وفاق سندھ میں منصوبے شروع کرنے لگتا ہے تو سندھ حکومت این او سی نہیں دیتی۔