پاکستان کے معروف میزبان اور اداکار یاسر حسین نے نویلے منگنی شدہ جوڑے منال خان اور احسن محسن اکرام کو منگنی کی مبارکباد دے دی۔

یاسر حسین نے اپنے انسٹاگرام اکاؤنٹ کی اسٹوی پر منال خان اور احسن محسن اکرام کی ایک خوبصورت تصویر شیئر کی ہے۔

اداکار یاسر کے جانب سے پوسٹ کی جانے والی تصویر کے کیپشن میں اداکار نے لکھا کہ بہت بہت مبارک ہو، اللّٰہ آپ کو ہمیشہ خوش رکھے۔

اس جوڑی کو جہاں کروڑوں مداحوں کی جانب سے منگنی کی مبارکبادیں موصول ہو رہی ہیں وہیں پاکستان شوبز انڈسٹری کی معروف شخصیات کی جانب سے دونوں کے لیے نیک تمناؤں کا اظہار کیا جا رہا ہے ۔

اپنی زندگی کے اس خاص موقع پر منال خان نے پستہ رنگ کا خوبصورت عروسی لباس زیب تن کیا۔

 جبکہ اُن کے منگیتر احسن محسن نے آف وائٹ رنگ کے لباس کا انتخاب کیا۔

گزشتہ روز منال خان اور احسن محسن اکرام کی منگنی کی باقاعدہ تقریب کا انعقاد کیا گیا تھا جس میں چند شوبز ستاروں سمیت اس جوڑی کے عزیز و اقارب نے شرکت کی۔

خیال رہے کہ گہری دوستی رکھنے والی شوبز انڈسٹری کی معروف جوڑی منال خان اور احسن محسن نے حال ہی میں اپنی بات پکی ہونے کا اعلان کیا تھا۔

واضح رہے کہ منال خان اور احسن محسن اکرام نے 2017 میں ایک نجی ٹی وی چینل سے نشر کیا گئے ڈرامے میں ایک ساتھ کام کیا تھا۔