وزارت تجارت نے تجارتی اعداد و شمار جاری کر دیے ہیں۔

جاری کردہ اعلامیے کے مطابق جولائی تا مئی 2021 تک برآمدات 22 ارب 56 کروڑ 30 لاکھ ڈالر رہی ہیں۔

وزارت تجارت نے کہا کہ گزشتہ سال مئی کی نسبت برآمدات میں 18.7 فیصد اضافہ ہوا ہے۔

وزارت تجارت نے یہ بھی کہا کہ برآمدات ایک ارب 65 کروڑ 70 لاکھ ڈالر ہوگئی ہیں۔

وزارت تجارت کا کہنا تھا کہ برآمدات ایک ارب 39 کروڑ 60 لاکھ ڈالر تھیں ،عید کی چھٹیوں کے باعث مئی میں برآمدات متاثر ہوئی ہیں۔

اعلامیے کے مطابق امریکا ،چین، برطانیہ، افغانستان اور بنگلا دیش کو برآمدات زیادہ رہی ہیں، مئی میں درآمدات 2 ارب 86 کروڑ 30 لاکھ ڈالر رہیں۔

اعلامیے میں کہا گیا کہ پٹرولیم ، پام آئل،گندم، سویابین  اور مشینری کی درآمدات بڑھیں جبکہ خام مال، کیمیکلز اور فرٹیلائزر کی درآمدات بھی بڑھیں۔

وزارت تجارت کے مطابق رواں سال کے 11 ماہ کے دوران برآمدات میں 11 فیصد اضافہ ریکارڈ ہوا ہے۔