سعودی عرب میں سفیر پاکستان کے ریٹائرڈ لیفٹیننٹ جنرل بلال اکبر اور گورنر مکہ شہزادہ خالد بن فیصل نے اہم ملاقات کی ہے۔

تفصیلات کے مطابق شہزادہ خالد بن فیصل کی جانب سے سفیر پاکستان لیفٹیننٹ جنرل ریٹائرڈ بلال اکبر کا پرتپاک استقبال کیا گیا ہے،ملاقات کے دوران  باہمی دلچسپی کے متعدد امور پر بھی  تبادلہ خیال کیا گیا ہے اور پاک سعودی برادرانہ تعلقات کو مزید مستحکم کرنے کیلئے بھی تبادلہ خیال کیا ہے۔

ذرائع نے بتایا ہے  کہ سعودی عرب میں پاکستان کے سفیر لیفٹیننٹ جنرل ریٹائرڈ بلال اکبر نے مکہ مکرمہ کے گورنر شہزادہ خالد بن فیصل سے فلائٹس کی بحالی کے علاوہ جیلوں میں قید پاکستانیوں کی رہائی سے متعلقہ بھی گفتگو کی ہے۔

ذرائع نے بتایا ہے کہ ملاقات میں گورنر مکہ شہزادہ خالد بن فیصل نے سفیر پاکستان کا خیر مقدم کیا اور کہا کہ سعودی عرب کی تعمیر و ترقی میں پاکستانیوں کا اہم کردار ہے اور سعودی گورنمنٹ انہیں بڑی قدر کی نگاہ سے دیکھتی ہے۔

ذرائع نے مزید بتایا ہے کہ لیفٹیننٹ جنرل ریٹائر بلال اکبر نے جدہ اور مکہ مکرمہ ریجن کی جیلوں میں قید پاکستانیوں کی رہائی کی اپیل کی اور فلائٹس کی بحالی کے علاوہ سعودی موبائل ایپ توکلنا کو پاکستان میں رسائی حاصل کرنے کی بھی بات کی جس پر گورنر مکہ شہزادہ خالد الفیصل نے کہا کہ قیدیوں کی رہائی اور فلائٹس کی بحالی سمیت دیگر امور پر بھی جلد پیش رفت سامنے آجائے گی۔