بالی ووڈ کنگ شاہ رخ خان نے ایک بار پھر کام کا رُخ کر لیا ہے۔

غیر ملکی خبر رساں ادارے کے مطابق شاہ رخ خان کی فلم ’پٹھان‘ کی شُوٹنگ کا دوبارہ آغاز 21 جون سے ہوگا۔

فلم میں اداکار کے ساتھ دیپیکا پدوکون اور ڈمل کپاڈیہ مرکزی کردار ادا کریں گی۔

اداکار نے فوٹو اینڈ ویڈیو شیئرنگ ایپ انسٹاگرام پر اپنی ایک تصویر شیئر کرتے ہوئے کہا کہ دوبارہ کام کے آغاز کا وقت ہوگیا ہے۔

انسٹاگرام پر پوسٹ کی جانے والی تصویر کے کیپشن میں اداکار نے لکھا کہ ان تمام لوگوں کے لیے نیک خواہشات جو دوبارہ نارمل زندگی کی طرف لوٹ رہے ہیں اور اپنے کام سنبھال رہے ہیں۔

شاہ رخ خان نے لکھا کہ اپنے اپنے کام کے مقامات پر محفوظ رہیں اور اپنا ڈھیر سارا خیال رکھیں۔