خیبرپختونخوا میں فوڈ سیفٹی اتھارٹی نے مردان، بنوں، نوشہرہ اور چارسدہ میں کارروائیاں کی ہیں۔

 فوڈ سیفٹی اتھارٹی کے مطابق مردان میں صوابی روڈ پر فیکٹری پر چھاپہ مارا گیا جس میں 12 ہزار لیٹر سے زائد جعلی مشروبات برآمد  ہوئی ہیں،جعلی مشروبات تیار کرنے والے یونٹ سے بڑی مقدار میں مس برانڈ میٹریل بھی ضبط کیا گیا ہے اور فیکٹری سربمہر کر دی گئی ہے۔

فوڈ سیفٹی اتھارٹی نے  بتایا ہے کہ بنوں کے علاقے چکر منڈان میں 1000 لیٹر کے قریب زائد المعیاد مشروبات برآمد ہوئی ہیں اسکے علاوہ نوشہرہ میں آئسکریم یونٹس کا معائنہ کیا جس میں1000 کلو سے زائد مضر صحت آئسکریم برآمد کی گئی اور دو یونٹس کو سیل کردیا گیا۔

فوڈ سیفٹی اتھارٹی نے مزید بتایا کہ چارسدہ میں ایک ہوٹل سے 20 کلو سے زائد ممنوع چائنہ سالٹ برآمد ہوئی ہے۔