امیر جماعت اسلامی سراج الحق نے کہا کہ حکومت کا الیکشن ریفارمز ایکٹ آئندہ انتخابات میں دھاندلی کا منصوبہ ہے۔

تفصیلات کے مطابق امیر جماعت اسلامی سراج الحق نے پریس کانفرنس کرتے ہوئے کہا کہ سپریم کورٹ چیف الیکشن کمشنر کا تقرر کرے، وزیراعظم و اپوزیشن لیڈر کا کردار ختم ہونا چاہیے۔

امیر جماعت اسلامی نے کہا کہ انتخابات میں اسٹیبلشمنٹ کے کردار کو ختم کرنے کے لیے سیاسی جماعتیں مذاکرات کریں۔

سراج الحق نےیہ بھی کہا کہ متناسب نمائندگی کا قانون متعارف کروائے بغیر حقیقی جمہوریت قائم نہیں ہوسکتی۔

امیر جماعت اسلامی کا کہنا تھا کہ الیکٹرانک ووٹنگ مشین ، اوورسیز پاکستانیوں کو ووٹ کا حق دینے کی حمایت کرتے ہیں۔

سراج الحق کا یہ کہنا تھا کہ آئین کی دفعات 62-63 پر ان کی روح کے مطابق عملدرآمدکیا جائے، پولیس اور آرمی کے جوان پولنگ سٹیشنز کے باہر سیکورٹی کے لیے مامور کیے جائیں۔

امیر جماعت اسلامی سراج الحق کا مزید کہنا تھا کہجماعتی بنیادوں پر الیکشن ہوں تو آزاد امیدوار نہیں ہونے چاہیے جبکہ پولنگ اسٹیشن کے اندر اور احاطہ میں سی سی ٹی وی کیمرے نصب کیے جائیں۔