معاون خصوصی برائے سیاسی ابلاغ ڈاکٹرشہباز گل کا کہنا ہے کہ کرپٹ جانتے ہیں عوامی مسائل کا حل انکی سیاست کی موت ہے۔

 تفصیلات کے مطابق معاون خصوصی برائے سیاسی ابلاغ ڈاکٹرشہباز گل نے کہا کہ کرپٹ اپوزیشن نے  3سال معیشت کی خرابی کا جعلی بیانیہ پھیلایا، معیشت درست، بجٹ سےعوام کوریلیف دینےکا سلسلہ شروع ہوچکا ہے۔

انہوں نے یہ بھی کہا کہ قانون وپارلیمان کے بھاشن پڑھانے والےاشتہاری مجرم ہیں، نااہل لیگ کے نزدیک جمہوریت صرف لوٹ مار کانام ہے، آمریت کی گود میں پلنے والے جمہوریت سے ناواقف ہیں۔

 ڈاکٹرشہباز گل نے مزید کہا کہ جمہوریت کے جعلی علمبرداروں نے پارلیمان کو اپنے مفاد کیلئے استعمال کیا، نااہلوں کا اسپیکرقومی اسمبلی 4 سال تک سٹے آرڈر کے پیچھے چھپا رہا ہے۔