اسلام آباد میں آج  موسم گرم اور خشک رہے گا جبکہ صبح اور رات کے اوقات میں گرج چمک کے ساتھ بارشوں کا بھی امکان ہے۔

 آج اسلام آباد میں زیادہ سے زیادہ درجہ حرارت 35 ڈگری سینٹی گریڈ تک رہنے کا امکان ہے۔

محمکہ موسمیات کے مطابق آج ملک کے بیشترعلاقوں میں موسم گرم جبکہ میدانی علاقوں میں شدید گرم رہے گا۔

وہیں دوسری جانب صوبہ پنجاب کے بھی بیشتر اضلاع میں موسم گرم اور خشک رہے گا تاہم خطۂ پوٹھوہار، میانوالی ، خوشاب ، بھکر، لیہ ،ڈی جی خان ، ملتان ، صوبہ خیبرپختونخواہ میں دیر، مالاکنڈ ، سوات، کوہستان ، بونیر، شانگلہ، مانسہرہ ، کوہاٹ، بنوں، وزیرستان ، کرم  سمیت  کشمیر اور گلگت بلتستان کے  چند مقامات پر گرج چمک کے ساتھ بارشوں  کا بھی امکان ہے۔

 واضح رہے کہ صوبہ سندھ کے بیشتر اضلاع میں بھی موسم  شدید گرم   رہے گا تاہم کراچی میں صبح اوررات کے اوقات میں بونداباندی کی توقع ہے۔