منال خان اور احسن محسن کی پارٹی تنقید کی زد میں آگئی

پاکستان شوبز انڈسٹری کی اداکارہ منال خان اور احسن محسن منگنی کے بعد دوستوں کے ساتھ پارٹی کرنے پر تنقید کی زد میں آگئے ہیں۔

اداکارہ منال اور احسن کی پارٹی کی ایک ویڈیو سوشل میڈیا پر گردش کر رہی ہے۔

وائرل ہونے والی ویڈیو میں دونوں کو شدید تنقید کا نشانہ بنایا جا رہا ہے۔

گزشتہ روز ہونے والی پارٹی کی چند تصاویر بھی سوشل میڈیا پر سب کی توجہ کا مرکز بنی ہوئی ہیں۔

تصاویر میں سبور علی، ایمن خان اور جند دوستوں کو منال اور احسن کے ہمراہ دیکھا جاسکتا ہے۔

سوشل میڈیا پر صارفین انہیں کورونا ایس او پیز کی مکمل طور پر دھجیاں بکھیرنے پر تنقید کرتے نظر آرہے ہیں۔

دوسری جانب احسن محسن کی وائرل ویڈیو پر انہیں اخلاقیات کا درس دیا جارہا ہے۔

کچھ صارفین اپنی پسندیدہ جوڑی کی حمایت میں بھی بولتے نظر آرہے ہیں۔

واضح رہے کچھ دنوں قبل اداکارہ منال خان کی اداکار احسن محسن اکرام کے ساتھ منگنی ہوئی ہے۔