پاکستان کے مشہور یوٹیوبرعرفان جونیجو کی والدہ انتقال کرگئی ہیں۔

تفصیلات کے مطابق یوٹیوبرعرفان جونیجو نے فوٹو اینڈ ویڈیو شیئرنگ ایپ انسٹاگرام اسٹوری میں والدہ کے انتقال کی خبر دی ہے۔

یوٹیوبر نے اپنی انسٹاگرام اسٹوری میں بتایا کہ اُن کی والدہ انتقال کرگئی ہیں۔‘

اُنہوں نے بتایا کہ میری والدہ میری دُنیا، میرے لیے سب کچھ تھیں۔

عرفان جونیجو نے مداحوں سے گزارش کی ہے کہ اگر آپ میری والدہ اور میری فیملی کو اپنی دُعاؤں میں شامل کرسکتے ہیں تو براہِ کرم لازمی کریں، میں آپ کا مشکور رہوں گا۔

دوسری جانب معروف قوال امجد صابری کے بڑے بیٹے مجدّد صابری نے بھی اپنی انسٹا اسٹوری میں عرفان جونیجو کی والدہ کے انتقال کی خبر دی ہے۔

مجدّد صابری نے انسٹا اسٹوری میں عرفان جونیجو کی والدہ کی مغفرت کے لیے دُعا کی۔

امجد صابری کے بڑے بیٹے نےعرفان جونیجو کی والدہ کے لیے مداحوں سے سورۃ فاتحہ کی تلاوت کرنے کی  اپیل بھی کی ہے۔

واضح رہے کہ عرفان جونیجو کا شمار پاکستان کے بڑے اور نامور یوٹیوبرز میں ہوتا ہے۔