کراچی اورکوئٹہ سے آنے والی ٹرینوں کا شیڈول متاثرہوگیا جس کے باعث مسافروں کو پریشانی کا سامنا کرنا پڑا ہے۔

تفصیلات کے مطابق علامہ اقبال ایکسپریس 1 گھنٹہ 35 منٹ اور تیزگام ایکسپریس 30 منٹ تاخیر کا شکار ہوئی ہیں۔

 ذرائع نے بتایا ہے کہ بزنس ایکسپریس 1 گھنٹہ 30 منٹ اور کراچی ایکسپریس  1گھنٹہ 40 منٹ تاخیر کا شکار ہوئی ہیں جبکہ خیبر میل ایکسپریس  40 منٹ اور جعفر ایکسپریس 1 گھنٹہ 20 منٹ تاخیر کا شکارہوئی ہیں۔

اس ضمن میں ترجمان ریلوے کا کہنا ہے کہ لاہور سے براستہ سکھر جانے والی تمام ٹرینوں کو منسوخ کر دیا گیا ہے،ٹریک کلئیر ہوتے ہی ٹرینیں بحال کی جائیں گی۔