کوئٹہ کے ضلعی انتظامیہ نے ویکسینشین نہ کرانے والے افراد پر پابندی عائد کرنے کا اعلامیہ جاری کردیا ہے۔

جاری کردہ اعلامیہ کے مطابق  ویکسینیشن نہ کرنے والے افراد کو سرکاری دفاتر اور تفریحی مقامات میں داخل ہونے نہیں دیاجائے گا، بینکوں،شاپنگ مالز اور پبلک ٹرانسپورٹ میں بھی ویکسینیشن نہ کرنے والوں پر پابندی عائد ہوگی۔

اعلامیہ میں مزید بتایا گیا ہے کہ شہر کے تمام شاپنگ مالز،دکانداروں کو کورونا ویکسینیشن کارڈ چیک کرنے کی ہدایت بھی دی گئی ہے، اس کے علاوہ شادی ہالز میں بھی بغیر ویکسینیشن کارڈ کے مہمانوں کو آنے کی اجازات نہیں ہوگی۔