ایک تحقیق سے ماہرین نے یہ بتا دیا کہ اسکول جانے والے بچوں کو اسمارٹ فون ایک گھنٹے سے زیادہ استعمال کرنے نہ دیں کیونکہ اس سے ان کی صحت پر بہت زیادہ خطرناک اثرات مرتب ہوتے ہیں۔

اس ریسرچ کے دوران ٹین ایجر بچوں کے انٹرنیٹ کے استعمال کا جائزہ لیا گیا جس میں سوشل میڈیا اور تفریحی ویڈیو گیمز شامل تھے، محققین نے والدین کو بتایا گیا کہ اسکول جانے والے دنوں میں بچوں کو ایک گھنٹے سے زیادہ یہ ٹیکنالوجی استعمال کرنے نہ  دیں۔

ایک تحقیق میں بین الاقوامی ویب سائٹ کے مطابق والدین اور بچوں کو یہ بتایا گیا کہ وہ انٹرنیٹ ٹیکنالوجی کو اسکول جانے والے دنوں میں ایک گھنٹہ جبکہ ویک اینڈ پر چار گھنٹے تک استعمال کرسکتے ہیں۔

دوسری جانب تحقیقی ٹیم کے سربراہ ، اسسٹنٹ پروفیسر، اسکول آف سوشل ورک اینڈ ریسرچ ایسوسی ایٹ اور ویوین انتھونی کے مطابق انٹر ایکٹو ٹیکنالوجی کو زیادہ تر بچوں میں تعلیمی رسائی کے بہترین نتائج کے حصول کے لئے استعمال کیا جانا چاہیئے۔

واضح رہے کہ کورونا وائرس کی وباء کے دوران اسے دور سے بیٹھ کر تعلیم دینے کے لئے اہم سہولت کے طور پر استعمال کیا گیا لیکن اس کے ساتھ ساتھ اسے تفریحی مقصد کے طور پر بھی استعمال کیا گیا جس سے بچوں کی تعلیم کے حوالے سے مضر اثرات مرتب ہوئے ہیں۔