فرخ حبیب کا کہنا ہے کہ شریف خاندان کی سلطنت میں عمران خان رکاوٹ ہیں۔

تفصیلات کے مطابق وزیرمملکت برائے اطلاعات و نشریات فرخ حبیب  نے اپنے جاری کردہ بیان میں کہا ہے کہ شہبازشریف اپنےبھائی کےضامن بنےتھے اور اب  شہبازشریف پتلی گلی سےملک سے فرار ہورہے ہیں، عدالتی فیصلے کے بعد شہباز شریف کی اخلاقی حیثیت کیا رہ گئی ہے؟ یہ چاہتےہیں شریف خاندان کی سلطنت مغلیہ باقی رہے۔

ان کا کہنا ہے کہ یہ جس محل میں آرام فرمارہےہیں انکےکوئی ثبوت نہیں ہے ،کیلبری فونٹ کےجعلی ٹرسٹ ڈیڈ نکلےتھے، شریف خاندان کواصلاحات،شفاف الیکشن سےکوئی مطلب نہیں ہے۔

انھوں  نے کہا ہے کہ عدالتی احکامات کونہ ماننےوالےنیلسن منڈیلا نہیں بن سکتے ہیں، نوازشریف کواین آراومل جائےتواگلی فلائٹ سےواپس لےآئیں گے، نوازشریف لندن کی ٹھنڈی ہواؤں میں واک کرررہے ہیں، چچاعلاج کرانےکےضامن  ہیں اوربھتیجی این آراومانگ رہی ہے۔

ان کا کہنا ہے کہ شہبازشریف میں کوئی اخلاقی جوازنہیں کہ اپوزیشن لیڈررہیں، پورےخاندان کی جدوجہد چوری اورلوٹےمال کےمک مکا کیلئے ہے۔

فرخ حبیب کا  مزید کہنا ہے کہ شہبازشریف نےاپنےبھائی کوواپس لانا تھا، مریم صفدرکی لندن توکیا پاکستان میں کوئی جائیداد نہیں ہے، مریم صفدرنےمہرلگادی ہے کہ  نوازشریف لندن میں پولومیچ دیکھ رہےہیں جبکہ مریم نے کہا  ہے کہ نوازشریف کاعلاج ہوگیا ہے اور وہ صحتیاب ہوچکے ہیں۔