پاکستان شوبز انڈسٹری کی معروف اداکارہ منشا پاشا اور جبران ناصر کے ہمراہ بچے کے ساتھ کھیلنے کی ویڈیو سوشل میڈیا پر وائرل ہوگئی ہے۔

اداکارہ منشا پاشا نے فوٹو اینڈ ویڈیو شیئرنگ ایپ انسٹاگرام پر ایک ویڈیو پوسٹ کی ہے۔

منشا پاشا کی جانب سے پوسٹ کی جانے والی ویڈیو میں دیکھا جا سکتا ہے کہ اداکارہ اور جبران ایک بچے کے ساتھ کھیل رہے ہیں۔

جہاں اداکارہ کی جانب سے پوسٹ کی جانے والی ویڈیو کو صارفین کی جانب سے بہت پسند کیا گیا وہیں بہت سے انٹرنیٹ صارفین نے ان کی ویڈیو کو الگ رُخ دے کر سوالات بھی شروع کر دیے ہیں۔

 منشا کی جانب سے پوسٹ کی جانے والی ویڈیو میں انسٹاگرام صارفین کی جانب سے سوال کیے جا رہے ہیں کہ نکاح کو کچھ ماہ ہی گزرے اور بے بی اتنی جلدی۔

صارفین کی جانب سے غیر مناسب سوالات کا اداکارہ نے بھر پور جواب دیا اور کمنٹ میں لکھا کہ ہاں بہت فاسٹ۔

 واضح رہے کہ منشا پاشا نے سال 2019 میں 22 دسمبر کو پاکستان کے مشہور سماجی کارکن جبران ناصر سے منگنی کی تھی جبکہ نکاح دو ماہ پہلے کیا ہے۔

اِس جوڑے کی منگنی کی تقریب کا اہتمام کراچی کے ایک مقامی ہوٹل میں کیا گیا تھا جس میں شوبز فنکاروں سمیت دونوں کے قریبی رشتہ داروں نے شرکت کی تھی۔

سوشل میڈیا پر وائرل ہونے والی نکاح کی تصویروں میں دیکھا جاسکتا ہے کہ منشا پاشا گولڈن رنگ کے خوبصورت عروسی لباس میں ملبوس ہیں جبکہ جبران نے بھی اپنی اہلیہ کے لباس سے ملتے جُلتے رنگ کا انتخاب کیا ہے۔

منشا پاشا کی اس پوسٹ پر اُن کے مداحوں کی بڑی تعداد  نے اُنہیں نکاح کی مبارکباد دی۔