پاکستان اسٹاک ایکسچینج میں کاروباری ہفتے کے آخری روز انڈیکس میں ملاجلا رجحان ریکارڈ کیا گیا ہے۔

اسٹاک ایکسچینج (پی ایس ایکس) میں کاروباری ہفتے کے آخری روز ملاجلا رجحان رہا تاہم کے ایس ای-100 انڈیکس 118 پوائنٹس کے اضافے کے بعد 48 ہزار 211 پر بند ہوا۔

دن بھر مجموعی طور پر395 کمپنیوں کے شیئرز میں کاروبار ہوا جن میں 232کمپنیوں کے شیئرز کی قیمتوں میں اضافہ ہوا جبکہ 139کے شیئرز کی قیمتوں میں کمی ہوئی۔

علاوہ ازیں انٹر بینک میں ڈالر کی قیمت میں کاروباری ہفتے کے آخری روز کمی ریکارڈ کی گئی ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 17 پیسے کی کمی ہوئی ہے۔

فاریکس ڈیلرز کے مطابق انٹربینک میں ڈالر 154.79 سے کم  ہو کر  154.62 روپے پر بند ہوا ہے۔